Saqqummersitsinerit
Katersugaasiviup initaani allerni tullinnguuttut
makku takuniarneqarsinnaaput:Nerisarfik
Nerisarfimmiipput Käle Rosingip linoleumimik kigartugai aamma Gerhard Kleistip imilertakkanik qalipagai.
Kioskinnguarput aamma tassaniippoq.
Angutit inaat
Angutit inaanni soorunami naalagaasarsimasut illorsuarmi najugaqartarsimasut ilisaritippavut, naalagaasarsimasut Qeqertarsuarmut aamma Avannaanut tamarmut pingaaruteqartarsimasorujussuupput.
Inspektørit (naalakkat) pillugit annertunerusumik atuarit
Ini isersimaartarfik
Inersuarmi takutitassiarineqarput nassaat tamaani kiisalu takutitassiarivagut kingornutassiaasimasut katersugaasivimmut.
Emanuel A Petersen -ip qalipagai aamma tamaani nivingapput.
Meeqqat inaat
Sinittarfimmi oqaluffik assilineqarsimasoq takutitassiarineqarpoq tamaanilu palasiusarsimasut aamma assiliarineqarlutik.Otto Sandgreen ip palasitut annoraava tamaaniippoq allapalaagai qalipagaa kiisalu atuakkiaasa ilai.
Qaliani takuniarneqarsinnaasut:
Torsuusami ilaatigut assinik assigiinngitsunik saqqummersitaqarpoq. Torsuusamiippoq aamma atuagaateqarfeeraq tappikanilu atuarujoornissamut periarfissaqarpoq, aamma filminik takutitsisoqarsinnaavoq.
Naalakkap allaffia.
Naalakkap allaffia piffissap ingerlanerani illoqarfimmi eqqumiitsuliortut ilisimaneqarnersaata assilialiaanut taamaallaat tunngatinneqarpoq: Jakob Danielsenip assilialiai.
Jakob Danielsenip assilialia tupinnartut annertunerusumik atuakkit
Peqqumaasivik:
Peqqumaasivimmi assassoriaasitoqaq napparsivittut isikkulik pilerseqqinniarsimavarput.
Assistentip allaffia:
Assistentip allaffiani Issittumi Ilisimatusarfik, Arktisk Station (Angakkussarfik) taassuminngalu tunngaviliisoq suliaalu oqaluttuaraavut.
Arktisk Station pillugu annertunerusumik atuarit
Kiffap inaa:
Kiffap inaaniipput qangaaniilli kalaallit igaffiini atortut kalaallillu atisaat.
Katersugaasivik nillertoq
Katersugaasivimmi nillertumi, illumi naalakkap illorsuata eqqaaniittumi, katersugaasiviup katersugaatai anginerusut katersorsimavavut:
Naalakkap Ph. Rosendahlip qamutai.
Piniartup Adam Willep qajaa.
Qilalukkat qernertap tuugaava, Avanersuarmiunit Ph. Rosendahlimut tunissut.
Saaqquteeqqat, Søren Svendsenip suliai.
Nakorsaataasivitoqaq arfernik ilisimatusarnermi ilisimatuussutsikkut atortunik assigiinngitsunik imalik.
Arferit soqqaat, nannup amia, kaffinut aserorterut, innaallagissap aqqutaanut napparussuarnut atortut, qaarusummi aamarsuarsiorfimmi atortut allarpassuillu.